Фото: Ақ Жайық

Маңғыстау облысы Жетібай кентінде 11 желтоқсанда басталған ереуіл әлі жалғасып жатыр. Бұл жөнінде Азаттық радиосы хабарлады. 

8 қаңтарда West Oil жұмысшылары президент Қасым-Жомарт Тоқаевқа тағы үндеу жолдап, мәселелерін шешіп беруді талап етті. 

– Талабымыз орындалғанша ереуілді тоқтатпаймы, – дейді олар үндеуде.  

Жұмысшылар West Oil компаниясын «ҚазМұнайГаздың» мердігері Oil Transport corporation (ОТК) балансына қосу, бірыңғай төлем жүйесін енгізу және материалдық-техникалық базаны жаңартуды талап етуде.

Бұған дейін ҚМГ олардың алғашқы екі талабын орындай алмайтынын айтқан. Жергілікті сот ереуілді заңсыз деп таныған.